SALMAN QƏMBƏROV «JAZZ MEETS WORLD MUSIC» LAYİHƏSİNDƏ

2017-ci il noyabr ayında Eurasians Unity təşkilatının təşəbbüsü ilə bəstəkar, jazz pianoçusu, respublikanın əməkdar artisti Salman Qəmbərov Berlində “RBB” səsyazma studiyasında kompakt disk formatında yazıya alınan “Jazz Meets World Music” layihəsində iştirak etmək üçün dəvət olunmuşdur.

Layihə çərçivəsində S.Qəmbərov müxtəlif ölkələrin musiqiçiləri ilə birlikdə

• Köln,
• Darmştadt,
• Bohum,
• Vüppertal

kimi alman şəhərlərində konsertlər vermişdir.

Layihənin digər iştirakçıları

• Caroline Thon (Almaniya),
• Tamara Lukasheva (Ukrayna),
• Feruza Ochilova (dütar, doyra, Özbəkistan),
• Negar Bouban (ud, İran),
• Veronika Todorova (akkordeon, Bolqarıstan),
• Alex Morsey (bas, tuba, vokal, Almaniya),
• Bodek Yankedir (zərb alətləri, Polşa).

“Jazz Meets World Music” müasir jazz’ın ethno, free-jazz, world music kimi ən qabaqcıl cərəyanlarına təmayül edən maraqlı bir silsilədir.

Alboma iştirakçı musiqiçilərin xalq və müəllif mövzularına işlədiyi kompozisiyalarla bahəm, Fikrət Əmirovun “Göygöl” mahnısı daxil olmuşdur.